हेटौंडा, श्रीकृष्ण आदर्श ईङलिस बोडिङ स्कुल हेटौंडा- ९ को आयोजनामा जिल्लामै पहिलो पटक विद्यालय स्तरीय छात्र–छात्रा तेक्वान्दो प्रतियोगिता हुँदैछ । मकवानपुर जिल्ला तेक्वान्दो संघको प्राविधिक सहयोगमा यहि भदौ २९ र ३० गते विद्यालयकै प्राङ्गणमा प्रतियोगिता आयोजना गर्न लागेको विद्यालयका संचालक नविन केसीले जानकारी दिए ।
उनका अनुसार जिल्लामै पहिलो पटक सञ्चालन हुन लागेको प्रतियोगितामा विभिन्न सामुदायिक तथा संस्थागत गरी २० वटा विद्यालयका करिव २ सयजना खेलाडीहरुको सहभागिता रहने छ । प्रतियोगितामा विभिन्न विद्यालयबाट सहभागिहरु मध्ये प्राप्त मेडलका आधारमा बिजेता घोषणा गरिने उनले जानकारी दिए ।
प्रतियोगिताकै क्रममा विद्यार्थीहरुलाई यौनजन्य दुव्र्यवहार सम्बन्धी सचेतना तथा आत्मरक्षा तालिम समेत प्रदान गरिने विद्यालयका प्रधानाध्यापक दुर्गाप्रसाद भट्टराईले जानकारी दिए । यौनजन्य दुव्र्यवहार सम्बन्धी सचेतना तथा आत्मरक्षा तालिम सामुदायिक प्रहरी सेवा केन्द्र पशुपतिनगरको समन्वयमा सञ्चालन हुने उनले जानकारी दिए । प्रतियोगिताको सम्पूर्ण तयारी पूरा भईसकेको आयोजकले जनाएको छ ।
