हेटौडा, मकवानपुरको लागि यामाहा मोटरसाइकल तथा स्कुटरका लागि आधिकारिक बिक्रेता राज मोटर्सले रे जेड आर–१२५ एफ.आई हाईब्रीड स्कुटरको माइलेन्ज च्यालेन्ज तथा राइड आउट कार्यक्रम सम्पन्न गरेको छ ।
कार्यक्रममा ३९ जना ग्राहकले सहभागीता जनाएको र्याली रानी दरबारस्थित यामाहा शोरुमबाट सुरू भई बुद्धचोक, राप्तीरोड, सीमाचोक, चौकीडोल, संगमचोक, पारिजातपथ, कमाने, हटिया पुगेर पिपलेमा आई समापन भएको थियो ।
कम्पनीले रे जेड आर–१२५ एफ. आई हाइब्रीड स्कुटरको माइलेन्ज ५८ किलोमिटर प्रतिलिटर दाबी गरेकोमा ग्राहकले चलाएरै प्रमाणित गरेका छन् । प्रतियोगितामा अधिकतम माइलेज ७७ किलोमिटर प्रतिलिटर आएको एम. ए. डब्लुका एरिया सेल्स म्यानेजर मणीभुषण चौधरीले बताए ।
प्रतियोगितामा शुसान्त सन्जेल (७७.८४) प्रथम, सुमन पराजुली (७७.४२) द्वितीय, सन्देश श्रेष्ठ (७७.३५) तृतीय भएका थिए । उनीहरुलाई ट्रफीसहित प्रमाणपत्र प्रदान गरी सम्मन गरिएको राज मोटर्सका प्रबन्ध निर्देशक राजन श्रेष्ठले जानकारी दिए ।
