हेटौंडा, मकवानपुर ग्याँस व्यवसायी संघको अध्यक्षमा केशव मुडवरी चयन भएका छन् । शनिबार भएको संघको ११ औँ वार्षिक साधारणसभा तथा पाचौँ अधिवेशनबाट मुडवरीको अध्यक्षतामा नयाँ कार्य समिति बनेको हो । संघको उपाध्यक्षमा नवीन लामा, सचिवमा मदनकुमार न्यौपाने, कोषाध्यक्षमा कृष्णबहादुर ढुंगाना चयन भएका छन् । यसैगरी सदस्यमा रमेशप्रसाद कडेँल, रुपक वस्ताकोटी, कृष्ण मोक्तान, सन्जय शौनियार, गोपाल श्रेष्ठ, सुदर्सन सुवेदी, राधाकृष्ण पराजुली, उत्तम पण्डित, अजय दंगाल, जीतबहादुर सारुमगर चयन भएका छन् ।
ADVERTISEMENT
मकवानपुर ग्याँस व्यवसायी संघका अध्यक्ष दिलिस गोविन्द जोशीको अध्यक्षतामा भएको कार्यक्रममा जिल्ला समन्वय समिति मकवानपुरका प्रमुख ललित घलानको प्रमुख आतिथ्यता रहेको थियो । कार्यक्रममा नेपाल एलपी ग्याँस उद्योग संघमा नवनिर्वाचित शिवप्रसाद घिमिरे, व्यवसायी कृष्णबहादुर ढुङ्गाना, पत्रकार सुजन ढकाल, साहारा ग्याँस र बाबा ग्यास उद्योगलाई सम्मान गरेको थियो । कार्यक्रममा ग्याँस व्यवसायी संघका सल्लाहकार अर्जुन खत्रीले ग्याँस विक्रेताहरु पलायन भई पेशा परिवर्तन गर्न थालेको बताए ।
कार्यक्रममा मकवानपुर उद्योग वाणिज्य संघका वस्तुगत उपाध्यक्ष राजु अधिकारीले आर्थिक मन्दीले गर्दा व्यवसायीहरु आत्महत्या गर्दा पनि व्यवसायीहरुको संघ उद्योग वाणिज्य संघले यसतर्फ खासै चासो नदेखाएकोमा गुनासो पोखे ।
ग्याँस व्यवसायी संघ बागमती प्रदेशका अध्यक्ष विनोदमान श्रेष्ठले ग्याँस विक्रेताहरुको कमिसन नबढ्दा व्यवसाय नै धरासायी बनेकोले यसतर्फ ध्यान दिन सम्बन्धित सरोकारवालासँग आग्रह गरेका थिए । कार्यक्रममा ग्याँस विक्रेता महासंघका पूर्व अध्यक्ष महेश्वर श्रेष्ठ, मकवानपुर उद्योग वाणिज्य संघका वरिष्ठ उपाध्यक्ष अनिल अग्रवाल, उद्योग उपाध्यक्ष प्रमोद सिंह रानाभाट्ट, होटल एशोसियसन मकवानपुरका उपाध्यक्ष कल्याण पौडेललगायतको आतिथ्यता रहेको थियो ।
