हेटौंडा, हेटौंडा दुग्ध वितरण आयोजना (डिडिसी)ले चाडपर्व लक्षित अन्तर्गत ग्राहकवर्गलाई घ्यू र टेबल बटरमा छुट प्रदान गरेको छ । असोज १४ गतेदेखि मंसिर ४ गतेसम्म चाडपर्व लक्षित सहुलियत कार्यक्रम सञ्चालन हुने डिडिसी हेटौंडाका प्रमुख नवीनकिशोर शर्माले जानकारी दिए ।
ADVERTISEMENT
शाहका अनुसार २ सय ५० ग्रामको टेबल बटर ४ सय रुपैयाँ विक्री गर्दै आइरहेकोमा आयोजनाले अहिले ३ सय ५० रुपैयाँ विक्री गरिरहेको छ । त्यसैगरी १ सय ६५ रुपैयाँ पर्ने १०० ग्रामको टबेल बटल अहिले १ सय ५० रुपैयाँमा विक्री गरिरहेका छौँ । आयोजनाको कारखाना परिसरबाट ग्राहकवर्गलाई छुट प्रदान गरिरहेको उनले बताए ।
यसैगरी बट्टा घ्यू १२ सय ५० मा विक्री गरिरहेकोमा अहिले १२ सय ३० रुपैयाँमा विक्री गरेको कार्यालयले जनाएको छ । आधा लिटरको बट्टा घ्यू ६ सय २५ मा विक्री गर्दै आइरहेको आयोजनाले ६ सय १५ रुपैयामा विक्री गरिरहेको उनले जानकारी दिए ।
