हेटौंडा, नागस्वती भेट्रान्स क्वलको आयोजनामा यही भदौ १८ गतेबाट २२ गतेसम्म हेटौंडा–७ मा आयोजना हुने नागस्वती भेट्रान्स रनिङशिल्ड फुटबल प्रतियोगिताको खेल तालिका सार्वजनिक भएको छ ।
ADVERTISEMENT
आयोजकले एक कार्यक्रमकाबीच सार्वजनिक गरेको खेल तालिका अनुसार उद्घाटन खेल आयोजक नागस्वती भेट्रान्स ए र पशुपति भेट्रान्सबीच हुनेछ । १८ टिमको सहभागिता रहेको प्रतियोगिताको बिजेताले २ लाख एकहजार र उपविजेताले एकलाख एकहजार रुपैयाँसहित ट्रफी प्राप्त गर्नेछ । प्रतियोगिताको तयारी करिब अन्तिम चरणमा पुगेको आयोजक नागस्वती भेट्रान्सका अध्यक्ष सोमबहादुर तितुङले जानकारी दिए । उनका अनुसार यस प्रतियोगितामा ४० बर्ष पूरा भएका खेलाडीहरु मात्रै सहभागिता जनाउन पाउनेछन् ।
नागस्वती चौरमा प्रतियोगिता हुनेछ । पुराना खेलाडीहरुको बीचमा पुनर्मिलनसंगै भ्रातृत्वको सम्बन्ध स्थापना र फुटबल खेलको विकासका लागि यो प्रतियोगिता आयोजना गर्न लागेको क्लवका सचिव प्रदीप गौतमले जानकारी दिए । उनका अनुसार प्रतियोगिताको लागि करिब साढे १३ लाख रुपैयाँ खर्च हुनेछ । मकवानपुरका स्थानीय तह तथा विभिन्न सहयोगी संघसंस्था र व्यक्तिबाट खर्चको व्यवस्थापन गरिने आयोजकले जानकारी दिएको छ ।
ADVERTISEMENT
