हेटौंडा, योङ्ग कम्युनिष्ट लिग (वाइसीएल) हेटौंडा उपमहानगर कमिटिको दोश्रो नगर सम्मेलन शनिबार हेटौंडा सम्पन्न भएको छ । सम्मेलनले मदन उप्रेतीको अध्यक्षतामा ३९ सदस्यीय नगरकमिटि सर्वसम्मत् चयन गरेको छ ।
ADVERTISEMENT
कमिटिको उपाध्यक्षमा निलाम्वर सापकोटा, विकास अधिकारी, सचिवमा रोयल बानियाँ, सह–सचिव दिवश लामा, समन गौतम, कोषाध्यक्ष हिरा पुलामी चयन भएका छन् । यस्तै, सदस्यहरुमा समर न्यौपाने, लक्ष्मण छतकुल्लि, सन्तबहादुर थापा, रोहित गुरुङ, हस्तबहादुर माझी, विकल गुरुङलगायत ३९ सदस्यीय वाइसीएल हेटौंडा उपमहानगर कमिटि चयन भएको छ ।
सम्मेलन वाइसीएल केन्द्रीय महासचिव गणेश शाहीको प्रमुख आतिथ्यतामा भएको सम्मेलनमा नेकपा माओवादी केन्द्र बागमति प्रदेश कमिटि उपाध्यक्ष प्रेम बहादुर पुलामी, विशेष प्रदेश कमिटि उपाध्यक्ष प्रकाश चन्द्र पाण्डे, बागमति प्रदेश कमिटि सदस्य ललित घलान, जिल्ला समन्वय समिति संयोजक शर्केश घलान, वाइसीएल मकवानपुर संयोजक लबराज ठकुरी लगायतको आतिथ्यता रहेको थियो ।
