२९ जनाले गरे रक्तदान

हेटौंडा , हेटौंडा ५ मा रहेको हेटौंडा सिटी कलेजको आयोजनामा भएको रक्तदान कार्यक्रममा २९ जनाले रक्तदान गरेका हुन् ।

कलेजले विद्यार्थीलाई विभिन्न सामाजिक क्रियाकलापमा सक्रिय बनाउँदै विभिन्न कार्यक्रमहरु गर्दै आइरहेको छ । सोही अनुसार विहीबार कलेज परिसरमा रक्तदान कार्यक्रम आयोजना गरेको प्रशासन प्रमुख सुमन्त सिलवालले बताए ।

कार्यक्रममा प्लटु, आइटीका विद्यार्थीका साथै शिक्षकहरुले रक्तदान गरेका थिए । कलेजले आगामी दिनहरुमा पनि अन्य विभिन्न कार्यक्रम गर्ने तयारी रहेको प्रमुख सिलवालले बताए ।

कलेजका संस्थापक रमिता पाण्डेको अध्यक्षतामा भएको रक्तदान कार्यक्रममा कलेजका प्रिन्सीपल श्री बहादुर कार्की, प्रशासन प्रमुख सुमन्त सिलवाल, विभागीय प्रमुखहरु, रक्तसञ्चार केन्द्रका प्रतिनिधिको आतिथ्यता रहेको थियो ।