राष्ट्रिय एकता दिवसमा राप्रपा नेपाल मकवानपुरको चियापान

हेटौंडा, पृथ्वी जयन्तीको अवसर पारेर राप्रपा नेपाल मकवानपुरले शुभकामना आदानप्रदान तथा चियापान कार्यक्रम आयोजना गरेको थियो । राष्ट्रिय एकता दिवस तथा पृथ्वी जयन्तिको अवसरमा शुक्रबार आयोजित कार्यक्रममा राप्रपा नेपालका नेताहरुको उपस्थिती रहेको थियो ।

राप्रपा नेपाल मकवानपुरका सभापति गुरुप्रसाद सापकोटाको अध्यक्षतामा भएको कार्यक्रममा संविधान सभा सदस्य गणेश थापाको प्रमुख आतिथ्यता रहेको थियो ।

कार्यक्रममा राप्रपा नेपालका केन्द्रिय सदस्य अम्बिका खतिवडा, जिल्ला उपाध्यक्ष राजाराम अर्याल, मन डिसी, नगर अध्यक्ष प्रेमलाल श्रेष्ठलगायतको उपस्थिति रहेको थियो ।