२ सय मिटर दौडमा पनि स्वर्ण जितेसँगै दिनाको नाममा तीन स्वर्ण

हेटौंडा, हेटौंडामा जारी जिल्ला स्तरीय राष्ट्रपति रनिङ शिल्डको आइतबार भएको २ सय मिटर महिला दौडमा पनि दिना गोपालीले स्वर्ण जित्न सफल भएकी छिन् ।हेटौंडा, थाहा नगरपालिका–१ घर भएकी दिना गोपालीले जिल्लास्तरीय राष्ट्रपति रनिङ शिल्डमा तीन स्वर्ण जित्न सफल भएकी छिन् ।

शनिबारबाट हेटौंडामा शुरु भएको १४ औँ संस्करणको जिल्लास्तरीय राष्ट्रपति रनिङ शिल्ड प्रतियोगितामा गोपालीले महिला १०० मिटर दौड र लङ जम्पमा स्वर्ण पदक हात पारेकी हुन् ।

थाहा नगरपालिका–६ स्थित इअन एकेडेमी कक्षा आठमा अध्ययनरत छात्रा गोपालीले गतवर्ष भएको बागमती प्रदेशस्तरीय महिलातर्फको १०० मिटर र २०० मिटर दौड प्रतियोगितामा स्वर्ण पदक जितेकी थिइन् भने १३ औँ संस्करणको जिल्लास्तरीय राष्ट्रपति रनिङ शिल्ड प्रतियोगितामा १०० मिटर र २०० मिटरमा पनि स्वर्ण जितेकी थिइन् ।