हेटौंडा, हेटौंडा १३ मा रहेको फेमकोल एकेडेमीले ६ जना शिक्षकलाई एक कार्यक्रमका बीच सम्मान गरेको छ । आइतबार भएको विद्यालयको १५ औँ अभिभावक भेलाको अवसरमा ६ जना शिक्षकलाई सम्मान गरेको हो । सम्मान हुनेमा अनिल केसी, निशान बलामी, अनुप शर्मा, सुष्मा नकर्मी श्रेष्ठ, कशेव न्यौपाने र कविता मुडभरी रहेका छन् ।
ADVERTISEMENT
जिल्ला समन्वय समितिका मकवानपुरका प्रमुख ललित घलानले उनीहरुलाई सम्मान गरेका थिए । फेमकोल एकेडेमीका व्यवस्थापन समितिका अध्यक्ष बगान सिं थिङको अध्यक्षतामा भएको कार्यक्रममा विद्यालयले आयोजना गरेको सप्ताहव्यापी खेलकुद कार्यक्रममा उत्कृष्ट भएका विद्यार्थीलाई पुरस्कार प्रदान गरेको थियो ।
स्काउट नामक संस्थाले ग्याँसबाट आगलागी हुँदा कसरी सावधान अपनाउने भन्ने विषयमा विद्यार्थीलाई प्रस्तुती दिएका थिए। कक्षा नर्सरी देखि १० कक्षा सम्म पढाइ हुने विद्यालयमा ६ सय ५० जना विद्यार्थी अध्ययनरत रहेको विद्यालयका प्रिन्सिपल केशव मुडभरीले जानकारी दिए । कार्यक्रममा हेटौंडा १३ का वडाध्यक्ष पेम्वा लामा, प्याव्सन मकवानपुरका अध्यक्ष विनोद सुवेदी, महिला मिलन बचत तथा ऋण सहकारी संस्थाको अध्यक्ष विष्णु लामालगायतको आतिथ्यता रहेको थियो ।
ADVERTISEMENT
