शनिबारमात्रै आधा दर्जन कार्यक्रम उद्घाटन गरिन् मेयर लामाले

सुजन ढकाल
हेटौंडा/सहकारीको चाड साधारणसभा धमाधम शुरु भएको छ । सहकारी ऐन अनुसार संघ/संस्थाहरुले असार मसान्तसम्ममा लेखा परीक्षण र पुस मसान्तभित्रमा वार्षिक साधारण सभा सम्पन्न गरीसक्नुपर्ने प्रावधान छ । साधारणसभा सभाले गर्दा स्थानीय तहको प्रमुख पदमा बसेका व्यक्तिलाई उद्घाटन गर्न भ्याइ नभ्याई हुन्छ । त्यस्तै भयो हेटौंडा उपमहानगरपालिका मेयर मिना लामालाई ।

नव युवा बचत तथा ऋण सहकारी संस्थाको साधारणसभा उद्घाटन गर्दै मेयर लामा

उनले शनिबार मात्रै आधा दर्जन कार्यक्रम उद्घाटन गरिन् । आधा दर्जन कार्यक्रम मध्ये धेरै जसो साधारणसभा नै रहेको थियो । हेटौंडा–२ मा रहेको ऊ वृद्धाश्रम चौकिटोलको साधारणसभा, प्रतिफल बचत तथा ऋण सहकारी संस्थाको साधारणसभा, हेटौंडा ११ मा रहेको नवयुवा बचत तथा ऋण सहकारी संस्थाको साधारणसभा, हेटौंडा १३ मा रहेको महिला मिलन बचत तथा ऋण सहकारी संस्थाको साधारणसभा, ग्याँस विक्रेता महासंघ बागमती प्रदेशले आयोजना गरेको नवनिर्वाचितलाई बधाई तथा पदस्थापना र रोट्रयाक्टको अध्यक्ष/सचिव भेला गरी ६ वटा कार्यक्रम शनिबार मात्र उद्घाटन गर्नु भएको प्रेस संयोजक राजन दहालले जानकारी दिए ।

‘हरेक संघ संस्थाले कार्यक्रममा बोलाउनु हुन्छ, कार्यक्रममा जानै प¥यो ।’ मेयर मिनाकुमारी लामाले ग्याँस विक्रेता महासंघ बागमती प्रदेशले आयोजना गरेको कार्यक्रमलाई सम्बोधन गर्दै भनिन् –‘महिलाले सञ्चालन गर्नु भएको पदमपोखरमा रहेको महिला मिलन सहकारीमा पनि पुग्नु पर्नेछ । अध्यक्षज्यूले मलाई कुरिरहनु भएको छ । तपाईहरुसँग बसेर छलफल गर्ने रहर थियो तर अन्य कार्यक्रमले गर्दा चाँडै निस्किन परे त्यसको लागि क्षमा प्रार्थी छु ।’