हेटौंडा, शिक्षा सेवा आयोगबाट प्राथमिक तह सिन्धुली जिल्लाबाट उत्तीर्ण भएका २५६ जना शिक्षकले सोमबार एकैसाथ स्थायी नियुक्ती पत्र बुझेका छन् ।
ADVERTISEMENT
शिक्षा विकास तथा समन्वय ईकाई सिन्धुलीले सोमबार प्राथमिक तहमा नियुक्ति हुनुभएका शिक्षकहरुका लागि अभिमुखीकरण कार्यक्रमको आयोजना गरी २५६ जना शिक्षकलाई स्थायी नियुक्ती पत्र प्रदान गरेको हो । शिक्षा विकास तथा समन्वय ईकार्य सिन्धुलीका इकाइ प्रमुख निर्मलकुमार घिमिरेको अध्यक्षतामा भएको कार्यक्रममा जिल्ला समन्वय समिति सिन्धुलीका प्रमुख कार्साङ लामाको प्रमुख आतिथ्यता रहेको थियो ।
शिक्षा विकास तथा समन्वय ईकार्य सिन्धुलीका इकाइ प्रमुख निर्मलकुमार घिमिरेले प्राथमिक तहमा सफल भएका शिक्षकलाई सपथ ग्रहण खुवाउनुका साथै जिल्ला समन्वय समिति सिन्धुलीका प्रमुख कार्साङ लामाले नियुक्ती पत्र प्रदान गरेका थिए । कार्यक्रममा जिल्ला समन्वय समिति सिन्धुलीका उपप्रमुख शान्ता कार्की, जिल्ला प्रशासन कार्यालय सिन्धुलीका प्रमुख जिल्ला अधिकारी भरत खनाललगायतको आतिथ्यता रहेको थियो ।
