हेटौंडा, सिस्नुपानी नेपालको स्थापना दिवसको अवसरमा सिस्नुपानी नेपाल मकवानपुरले विविध कार्यक्रम गर्ने भएको छ ।
स्थापना दिवसको अवसरमा यही बैशाख १९ गते स्रष्टा सम्मान तथा हास्यव्यङ्ग्य रचना वाचन कार्यक्रम आयोजना गर्न लागिएको सिस्नुपानी नेपाल मकवानपुरका अध्यक्ष राजकुमार लामिछानेले जानकारी दिए ।
स्थापना दिवसको अवसरमा डा.गणेशकुमार पौडेल स्मृति हास्यव्यङ्ग्य सम्मान २०८० बाट दाङका उत्तमकृष्ण मजगैयाँलाई र आरसी रिजाल हास्यव्यङ्ग्य सम्मान २०८० बाट मोरङका अनिल पौडेललाई सम्मान गर्न लागेको आयोजकले जनाएको हो ।
