हेटौंडा, हेटौंडा अटोमोवाईल्स एशोसिएसनले स्थापना दिवसको अवसरमा हेटौंडाको गोरक्षेश्वरधाममा रहेको संस्कृत बेद विद्यालयलाई खाद्यान्न सहयोग गरेको छ ।
ADVERTISEMENT
संस्थाको २९ औँ स्थापना दिवसको अवसरमा विद्यालयलाई खाद्यान्न तथा फलफूल सहयोग गरेको हो । संस्थाका अध्यक्ष ऋषिकुमार ढकालको अध्यक्षतामा भएको कार्यक्रममा विद्यालयका संरक्षक तथा पतन्जली योगका जिल्ला अध्यक्ष रामकृष्ण थापाको प्रमुख आतिथ्यता रहेको थियो ।
कार्यक्रममा नाडा अटोमोवाईल्स एशोसिएसन अफ नेपालका केन्द्रीय सदस्य तथा संस्थाका पूर्ब अध्यक्ष सागर सापकोटा , पूर्व अध्यक्ष नारायण प्रसाद कंडेलले शुभकामना मन्तव्य व्यक्त गरेका थिए । संस्थाका पूर्व अध्यक्ष सुरेश कुमार श्रेष्ठ , निवर्तमान अध्यक्ष दामोदरप्रसाद अटल तथा सल्लाहकार डा. गोपिराम वन्जाराको आतिथ्यता रहेको थियो ।
