पब्लिक फुटवयेरले जुत्ता एक्सचेन्ज गर्ने

हेटौंडा/हेटौंडा–४ मा रहेको पब्लिक फुटवयेर प्रालिले हिन्दूहरुको महान चाड विजया दशमीलाई लक्षित गरी जुत्ता एक्सचेन्ज गर्ने भएको छ ।

‘चाडपर्व लक्षित गरी उपभोक्तालाई सस्तो र सुलभ दरले जुत्ता खरिद गरुन भन्ने हेतुले जुत्ता एक्सचेन्ज कार्यक्रम गर्न लागेका हौँ ।’ पब्लिक फुटवयेर प्रालिका सञ्चालक रण दुलालले भने–‘असोज ५ गतेदेखि नगरका विभिन्न ५ वटा पसलमा जुत्ता एक्सचेन्ज कार्यक्रम गर्दैछौँ ।

देशको आर्थिक संकटलाइ केही कम गर्न, नेपालमै उत्पादन भएका वस्तुलाई प्रयोग गरी देश भित्र रहेको डलरको सञ्चितिलाइ बढाउने उद्देश्यका साथ एक्सचेन्ज कार्यक्रम गर्न लागेको उनले बताए । पब्लिक फुटवयेर प्रालिले दैनिक २ सय ५० जोडी जुत्ता निर्माण गरी हेटौंडा उपमहानगरपालिका, नारायणगढ, पोखरा र पूर्व गाइघाटसम्म विक्रि वितरण गरिरहेको उनले जानकारी दिए। उद्योगबाट २१ जनाले प्रत्यक्ष र अप्रत्यक्ष रुपमा रोजगारी पाइरहेका छन् ।