हेटौंडा, जेठ ८ गतेबाट थाहा नगरपालिकामा पाचौँ उपमेयर कप ब्याडमिन्टन प्रतियोगिता शुरू हुँदैछ । प्रतियोगितामा १५ वटा टिमले सहभागिता जनाएको थाहा नगर खेलकुद बिकास समितीको सदस्य यादवजंग रायमाझीले जानकारी दिए ।
ADVERTISEMENT
नक आउटको आधारमा खेलाईने प्रतियोगिताको उद्घाटन गतबर्षका बिजेता नरेन्द्र मोक्तान र देवकुमार अर्यालको समुह र रोशन गोपाली र घनश्याम श्रेष्ठको समुहबीच हुने आयोजकले जनाएको छ ।
थाहा ४ स्थित क्याम्पाडाडाको ब्याडमिन्टन कोर्टमा हुने प्रतियोगितामा प्रथम हुनेले नगद २० हजारका साथै शिल्ड तथा मेडल प्राप्त गर्नेछन भने दोश्रो र तेश्रो हुनेले १५ हजार नगद सहित मेडल प्राप्त गर्ने छन् ।
थाहा नगरपालिकाको आयोजनामा हुन लागेको प्रतियोगिताको ब्यवस्थापकिय जिम्वेवारी थाहानगर ब्याडमिन्टन संघ रहेको छ भने प्रतियोगिताको समन्वय फरक सोच रहेको छ ।
