स्थापना दिवसमा ३२ जनाको रक्तदान

हेटौंडा, राष्ट्रिय स्वतन्त्र पार्टी (रास्वपा) मकवानपुरले आयोजना गरेको रक्तदान कार्यक्रममा ३२ जनाले रक्तदान गरेका छन् । बिहीबार हेटौंडा १० बुद्धचोकमा भएको कार्यक्रममा ५ महिला र २७ पुरुषसहित ३२ जनाले रक्तदान गरेका हुन् । राष्ट्रिय स्वतन्त्र पार्टीको स्थापना दिवसको अवसरमा रक्तदानको आयोजना गरिएको हो ।

पार्टीको स्थापना दिवसको सन्दर्भमा सप्ताहव्यापी कार्यक्रम आयोजना गर्ने क्रममा बिहीबार रक्तदान गरिएको स्वतन्त्र पार्टी मकवानपुर सभापति भरत पराजुलीले बताए । सप्ताहव्यापी कार्यक्रम अन्तर्गत आइतबार र सोमबार पूर्वाधार अनुगमन, सोमबार कार्यक्रमको बारे जानकारी, मंगलबार वृक्षरोपण र बुधबार हेटौंडाको हुप्रचौरमा सरसफाइ कार्यक्रम गरिएको थियो ।

शुक्रबार सप्ताहव्यापी कार्यक्रमको समापन हुनेछ ।