ऋषिराम पोखरेलको ‘अनुभूतिका आँखाहरु’ पुस्तक सार्वजनिक

हेटौंडा, पूर्वशिक्षक ऋषिराम पोखरेलले आफ्नो जीवनका विभिन्न अनुभूति समेटिएको पुस्तक अनुभूतिका आँखाहरु सार्वजनिक गरेका छन् ।

ADVERTISEMENT

सर्जक सञ्जाल मकवानपुरले बुधबार एक कार्यक्रमको आयोजना गरी पोखरेलको पहिलो कृति सार्वजनिक गरेको हो । कृतिमाथि टिप्पणी गर्दै समालोचक घनश्याम घिमिरेले कृतिमा लेखक आफूले भोगेका विभिन्न अनुभवहरु र गरेका अनुभूतिहरु जस्ताको तस्तै किताबमा उतारेको बताए ।

कार्यक्रममा साहित्यकार देवराज तिवारी र शान्तिप्रिय बन्दनाले पनि कृतिभित्रको वैचारिक पाटो, नारीवादी चेतका साथ विभिन्न सकारात्मक र सुधारात्मक पाटोबारे चर्चा गरे । उक्त पुस्तकको प्रकाशकमा हेटौंडा स्कूल अफ म्यानेजमेन्टका प्रिन्सिपल पुरनबहादुर जोशी रहेका छन् । सर्जक सञ्जाल मकवानपुरका अध्यक्ष निमेष निखिलको अध्यक्षतामा भएको कार्यक्रममा शिक्षासेवी देव श्रेष्ठको प्रमुख आतिथ्यता रहेको थियो ।

कार्यक्रममा कृतिकार पोखरेल, बागमती प्रदेशसभा सदस्य प्रेमबहादुर पुलामी, जिल्ला समन्वय समिति मकवानपुरका प्रमुख ललित घलान, हेटौंडा-४ नम्बर वडाका अध्यक्ष नवीन सिग्देललगायतको आतिथ्यता रहेको थियो ।