हेटौंडा, हेटौंडा- १० मा रहेको सोलिड्यारिटी इन्टरनेशनल एकेडेमी र हेटौंडा- ११ मा रहेको हेटौंडा एकेडेमी आवासीय माध्यमिक विद्यालय ‘क’ वर्गमा पर्न सफल भएको छ ।
ADVERTISEMENT
हेटौंडा उपमहानगरपालिका शिक्षा विकास महाशाखाले यही साउन १८ गते सूचना जारी गर्दै उपमहानगरपालिका भित्र रहेका संस्थागत विद्यालयको श्रेणी निर्धारण गरेको हो । शिक्षा विकास महाशाखाले जारी गरेको सूचना अनुसार क वर्गमा २ वटा, ख वर्गमा २७ वटा, ग वर्गमा १० वटा र घ वर्गमा १ वटा संस्थागत विद्यालय रहेका छन् ।
गत असार २६ गते तथा साउन १० गतेको निर्णयानुसार संस्थागत विद्यालय वर्गीकरण तथा शुल्क निर्धारण कार्यविधि, २०७९ को दफा ३ को उपदफा (१) बमोजिम नगरभित्र सञ्चालनमा रहेका संस्थागत विद्यालयको सूचकमा आधारित विद्यालयहरुको अनुगमन गरिएको थियो ।
