हेटौंडा, रोटरी क्लब अफ हेटौंडा र रोटरी क्लब अफ मकवानपुरले विश्व पोलियो दिवसको अवसरमा विविध कार्यक्रमको आयोजना गर्ने भएको छ । मङ्गलबार पत्रकार सम्मेलन गर्दै रोटरी क्लब अफ हेटौंडा र रोटरी क्लब अफ मकवानपुरको संयुक्त आयोजनामा आउँदो अक्टोबर २४ अर्थात कार्तिक ८ गते विहिबार हेटौंडामा पोलियो दिवसको अवसरमा विभिन्न कार्यक्रमहरु आयोजना गरिन लागेको जानकारी दिइएको हो ।
ADVERTISEMENT
कार्यक्रमको पहिलो दिन कार्तिक ७ गते हेटौंडामा अवस्थित संघसंस्था, होटलहरुमा पोलियो सम्बन्धि सुचनामुलक ब्यानर राखिने रोटरी क्लब अफ मकवानपुरका अध्यक्ष अनिल कुमार अग्रवालले जानकारी दिए । यसैगरी कार्तिक ८ गते विहिबार विहान ७ वजे साईकल ¥यालीको आयोजना गरिनेछ । सोहि दिन हेटौंडाको सीमाचोकमा रहेको डिजिटल बोर्डबाट ‘इन्ड पोलियो नाउ’ लेखिएको जानकारीमुलक सुचना सामग्री प्रसारण गरिनेछ भने बेलुकी हेटौंडाको बुद्धचोकमा दिप प्रज्वलन गरी कार्यक्रमको समापन हुने छ ।
