हेटौंडा, भीमफेदी कारागारका कैदीबन्दीलाई बकैया गाउँपालिकाले सहयोग गरेको छ । भीमफेदी कारागारमा कैदी जीवन बिताईरहेकाहरुलाई दशैको अवसर पारेर बकैयाँ गाउँपालिका अध्यक्ष धर्मराज लामिछानेले भीमफेदी कारागारका निमित्त कार्यालय प्रमुख मदन लामा थिङलाई नगद २५ हजार रुपैयाँ सहयोग गरेका हुन् ।
ADVERTISEMENT
बकैया गाउँपालिकाका अध्यक्ष धर्म लामिछानेले चाडपर्वलाई लक्षित गरी कारागारलाई सहयोग गरेको बताए । आगामी दिनमा पनि सहयोग गर्ने उनले प्रतिबद्धता व्यक्त गरेका थिए । मकवानपुर जिल्लाका करिव ७० प्रतिशत मानिस भीमफेदी कारागारमा रहेको जनाएको छ । शुक्रबार भीमफेदी कारागारमा ९ सय ९९ जना रहेका छन् ।
जसमा ब्लक क मा ५ सय ५५ जना, ब्लक ख मा ४ सय ४४ जना रहेको र्चौकिदार सन्देश कालाखेतीले जानकारी दिए । ‘विभिन्न सजाय भोगिरहेका व्यक्तिले पनि दशै पर्व मनाउनु पर्छ ।’ चौकिदार कालाखेतीले भने –‘बकैया गाउँपालिकाको सहयोगले केही राहत भएको छ ।’ चाडपर्व मनाउनका निम्ति अन्य सरोकारवाला निकायलाई पनि सहयोगको लागि उनले आग्रह गरेका छन् ।
ADVERTISEMENT
