ब्याडमिन्टन प्रतियोगिताको उपाधि बिमल बिष्ट र नवीन रायमाजीलाई

हेटौंडा, नयाँ बर्ष २०८२ को अवसरमा थाहा नगरस्तरीय मैत्रीपुर्ण व्याडमिन्टन प्रतियोगिता सम्पन्न भएको छ। ३० चैतमा थाहाको क्याम्पाडाडा स्थित कवर्डहलमा नयाँ बर्षको शुभकामना सहित भएको प्रतियोगितामा बिमल बिष्ट र नवीन रायमाझीको टिमले बिजयी हुन सफल भएको छ।

प्रतियोगितामा सुभाष थापा र संग्राम खत्रीको टिम दोस्रो र राजकुमार खड्का र मधुसुदन चौधरीकोको टिमले तेस्रो स्थान हासिल गर्यो। शिखर क्लव र थाहा नगर व्याडमिन्टन संघको संयुक्त आयोजनामा भएको मैत्रीपुर्ण व्याडमिन्टन प्रतियोगिताको संयोजक सुशान्त श्रेष्ठ(च्याङ) रहेका थिए।

बिजयी खेलाडिहरुले प्रमाणपत्रसहित मेडल तथा ट्रफी पुरस्कार प्राप्त गरे।प्रतियोगितामा कृषि बिकास बैंक पालुङ शाखाका प्रवन्धक घनश्याम श्रेष्ठ,इलाका प्रहरी कार्यालय पालुङका प्रमुख सविन बाबू अर्याल,नेपाल बैंक चित्लाङ शाखा प्रवन्धक रोशन तिवारीले पुरस्कार वितरण गरेका थिए।
खेलाडी तथा स्थानीय संघसंस्था प्रतिनिधिहरुबिच शुभकामना आदानप्रदान सहित भएको मैत्रीपुर्ण व्याडमिन्टन प्रतियोगितामा थाहा नगरको ८ वटा टिमको सहभागिता रहेको संयोजक श्रेष्ठले जानकारी दिए।