हेटौंडा, हेटौंडा– १० मा रहेको सोलिड्यारिटी इन्टरनेशनल एकेडेमी विद्यालयले आफ्नो स्थापना दिवसको अवसरमा प्ले ग्रुप र नर्सरी कक्षामा निशुल्क भर्ना अभियान सञ्चालन गरेको छ ।
ADVERTISEMENT
विगतवर्ष झै यसवर्ष पनि विद्यालयको ३२ औँ स्थापना दिवसको अवसरमा निःशुल्क भर्ना अभियान सञ्चालन गरेको विद्यालयकी प्रिन्सिपल रीना आचार्यले जानकारी दिइन ।
‘सीमित सिटमा मात्र बालबालिकालाई अध्ययन गराउँछौँ ।’ प्रिन्सिपल आचार्यले भनिन्–‘पूर्व प्राथमिक तहको लागि सुविधा सम्पन्न बालमैत्री विद्यालयको भवनसँगै विद्यालय बसको सुविधा रहेको छ । बालबालिकाको सुनाइ, बोलाई र लेखाइ क्षमताको विकास गराउन अतिरिक्त क्रियाकलाप गराउनुको साथै निरन्तर मूल्याङ्कन प्रणालीको व्यवस्था रहेको छ ।’उक्त अभियानमा विद्यार्थीहरूको भर्ना भइरहेको उनले जानकारी दिइन् । विद्यालयले ३२ औँ अभिभावक दिवस पुस २९ गते विविध कार्यक्रमको आयोजना गरी मनाउँदैछ ।
