हेटौंडा, मकवानपुर प्रहरीले लागूऔषध खैरोहिरोइन सहित २ जनालाई पक्रेको छ ।
ADVERTISEMENT
पक्राउ पर्नेमा चितवनको भरतपुर महानगरपालिका १६ बस्ने ४० वर्षका कुमबहादुर आले र भरतपुर ४ बस्ने ३२ वर्षका दीपक परियार रहेका छन् । प्रहरीले उनीहरुको साथबाट ५७ ग्राम ३२० मिलिग्राम खैरोहिरोइन फेला पारेको हो ।
पूर्वपश्चिम राजमार्ग अन्तर्गत हेटौंडा १५ रातोमाटेमा वीरगञ्जबाट हेटौंडातर्फ आउँदै गरेको बा.प्र.०६–००१ ज ००७१ नम्बरको ईभी गाडीलाई चेकिङको क्रममा उनीहरु पक्राउ परेका हुन् ।
शंकाको आधारभा उनीहरुको शरीर खानतलासी गर्दा लुकाएर ल्याएको अवस्थाको खैरोहिरोइन फेला पारिएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक श्यामु अर्यालले जानकारी दिए ।
