हेटौँडा, सिस्नुपानी नेपाल मकवानपुरले हाँस्यव्यङ्ग्य देउसी भैलो कार्यक्रम गर्ने भएको छ । तिहारको अवसरका सिस्नुपानी मकवानपुरले देउसी भैलो कार्यक्रम गर्दै आएको छ ।
ADVERTISEMENT
यो वर्षको कार्यक्रम कात्तिक २१ गते कागतिहारको दिन हुने भएको छ । सिस्नुपानी नेपालले केन्द्रीयस्तरमा हरेक वर्ष तिहारको अवसरमा देउसी भैलो कार्यक्रम गर्दै आइरहेको छ । सिस्नुपानी नेपालकै शाखाको रुपमा रहेको मकवानपुरले व्यङ्ग्य साहित्यकार र कलाकारहरुको सहयोगमा देउसी भैलो कार्यक्रम गर्न लागेको सिस्नुपानी नेपाल मकवानपुर अध्यक्ष संप्रस पौडेलले जानकारी दिए ।
अध्यक्ष पौडेलका अनुसार हाँस्यव्यङ्य देउसी भैलो कार्यक्रमको लागि तयारीको काम भइरहेको उनले बताए । संस्थाका हरेक कार्यक्रमहरूमा नवपुस्तालाई स्थान दिँदै आएको र यसले हास्यव्यङ्ग्यको प्रबर्धन समेत भइरहेको उनले बताएका छन् ।
ADVERTISEMENT
कार्यक्रममा कलाकारको देउसीभैली गीत, प्यारोडी गायन, प्रहसन, हास्यव्यङ्ग्य कविता वाचन, खैँजडी भजनलगायत साङ्गीतिक प्रस्तुतिहरू रहने छन् । कार्यक्रममा हेटौंडा उपमहानगरपालिकाको सहयोग रहेको छ ।
