हेटौंडा, मकवानपुर प्रहरीले हेटौंडा–१५ रातोमाटेबाट १०५ किलो अवैध लागूऔषध गाँजासहित एकजनालाई पक्राउ गरेको छ। हेटौंडाबाट कलैयातर्फ जाँदै गरेको बा.प्र ०१–०३० च १०४६ नम्बरको पिकअप गाडी जाँच गर्दा गाँजा फेला परेको हो।
ADVERTISEMENT
पक्राउ पर्ने व्यक्ति दोलखाको जिरी नगरपालिका–१ का ३२ वर्षका अम्बरबहादुर तामाङ हुन्। प्रहरी चौकी रातोमाटेको टोलीले चेकिङको क्रममा गाडीभित्र लुकाइएका ९ वटा पोका गाँजा बरामद गरेको जिल्ला प्रहरी कार्यालय मकवानपुरका प्रवक्ता, प्रहरी नायब उपरीक्षक श्यामु अर्यालले जानकारी दिए।
गाँजा लोड गरिएको गाडीमा चालक तामाङ मात्रै थिए। बरामद सामग्रीसहित पिकअप र चालकलाई नियन्त्रणमा लिएर लागूऔषध सम्बन्धी मुद्दा दर्ता गरी थप अनुसन्धान प्रक्रिया अघि बढाइएको अर्यालले बताए।
ADVERTISEMENT
