विश्व बालश्रम दिवसमा चित्रकला तथा वक्तृत्वकला प्रतियोगिता

हेटौँडा, विश्व बालश्रम विरुद्धको दिवसको अवसरमा बालश्रम न्यूनिकरणमा बालबालिकाको भूमिका विषयक चित्रकला तथा वक्तृत्वकला प्रतियोगिता विहीबार हेटौँडामा आयोजना गरी मनाइएको छ । हेटौँडा १ मा रहेको अमर माध्यमिक विद्यालयको आयोजनामा भएको कार्यक्रममा सिविन हेल्पलाइन मकवानपुरको सहयोग एवम् सहकार्यमा कार्यक्रम भएको हो ।

आज भएको चित्रकला प्रतियोगितामा कक्षा ७ का प्रकृति ठकुरी प्रथम, कक्षा ६ का सुजन तामाङ दोस्रो, कक्षा ५ का सुरज शाह तेस्रो र कक्षा ६ का सृष्टि भ्लोन सान्त्वना हुन सफल भएका थिए । चित्रत्रकला प्रतियोगितामा प्रमिता बिडारी र सृजना खतिवडाले निर्णायकको भूमिका निर्वाह गरेका थिए । यसैगरी आज भएको बालश्रम न्यूनीकरणमा बालबालिकाको भूमिका विषयक वक्तृत्वकला प्रतियोगितामा कक्षा ९ का रोशिका भट्टराई प्रथम, कक्षा ९ कै सुनिल तामाङ दोस्रो, , कक्षा ९ का सुदिप अधिकारी तेस्रो र कक्षा ९ का प्रकृति थापा सान्त्वना हुन सफल भए ।

प्रतियोगितामा विद्यालयका सहायक प्रधानाध्यापक डीबी बर्तौला र खगिन्द्र शर्माले निर्णायकको भूमिका निर्वाह गरेका थिए । विद्यालयकी प्रधानाध्यापक मालती उप्रेतीको अध्यक्षतामा भएको कार्यक्रममा विद्यालय व्यवस्थापन समितिका अध्यक्ष जानकी गिरीको प्रमुख आतिथ्य रहेको थियो । कार्यक्रममा विद्यालयका सहायक प्रधानाध्यापक डीबी बर्तौला, शिक्षक प्रतिनिधि अकुरप्रसाद गौतम ,सूचना अधिकारी रमेशकुमार बर्तौला, शिक्षकहरू प्रमिता बिडारी, यशोदा थापा,खगिन्द्र शर्मा, कल्पना पौडेल, सन्दिपा बिडारी, बालिका निरौला, कविता श्रेष्ठ, रुषा बर्तौला, भरत तिमिल्सिना, रुपा ढकाल साथै सिविन हेल्पलाइनकी सरिता न्यौपानेलगायतको आतिथ्य रहेको थियो ।