अफिम ओसारपसारमा दोषी ठहर, १५ वर्ष कैद सजाय

हेटौँडा, अफिम ओसारपसारको अभियोगमा जिल्ला अदालत मकवानपुरले एक युवकलाई १५ वर्ष कैद सजायको फैसला सुनाएको छ। साथै अदालतले ५ लाख रुपैयाँ जरिवाना तिराउने र प्रयोग गरिएको मोटरसाइकल जफत गर्ने आदेश पनि दिएको छ।

जिल्ला न्यायाधीश अवनी मैनाली भट्टराईको इजलासले राक्सिराङ गाउँपालिका–५ का ३४ वर्षीय चन्द्रबहादुर मोक्तान ९राजकुमार०लाई दोषी ठहर गर्दै शुक्रबार उक्त फैसला सुनाएको हो।

मोक्तानलाई २०८१ चैत १० गते मनहरी गाउँपालिका–सिम्पानीबाट २ किलो ५३० ग्राम अफिमसहित मोटरसाइकलमा लुकाएर ल्याउँदै गरेको अवस्थामा प्रहरीले पक्राउ गरेको थियो। हाल उनी भीमफेदी कारागारमा थुनामा छन्।