हेटौंडा, हेटौंडा उपमहानगरपालिका–४ मा अवस्थित भुटनदेवी माध्यमिक विद्यालयले शैक्षिक सत्र २०८२ का लागि भर्ना प्रक्रिया सुरु गरेको छ। विद्यालयले विज्ञान, व्यवस्थापन तथा तीन वर्षे डिप्लोमा सिभिल इन्जिनियरिङ कार्यक्रमहरूमा अध्ययन गर्न इच्छुक विद्यार्थीहरूलाई लक्षित गरी विभिन्न स्तरका छात्रवृत्तिसहित भर्ना खुला गरेको हो।
ADVERTISEMENT
विद्यालयका प्रधानाध्यापक माधवप्रसाद दाहालका अनुसार यस वर्षको एसईई परीक्षामा उत्कृष्ट प्रदर्शन गर्ने विद्यार्थीहरूलाई पूर्ण छात्रवृत्तिदेखि आंशिक शुल्क छुटसम्मको सुविधा प्रदान गरिनेछ। जिपिए ३.६१ वा सोभन्दा माथि ल्याउने विद्यार्थीले भर्ना शुल्क र मासिक शुल्कमा पूर्ण छुट पाउनेछन्। त्यस्तै जिपिए ३.२१ देखि ३.६० ल्याउने विद्यार्थीले मासिक शुल्कमा पूर्ण छुट प्राप्त गर्नेछन्।
जिपिए २.८१ देखि ३.२० ल्याउने विद्यार्थीलाई भर्ना शुल्क र मासिक शुल्कमा ५० प्रतिशत छुट दिइनेछ। त्यसैगरी, जिपिए २.४१ देखि २.८० ल्याउने विद्यार्थीलाई मासिक शुल्कमा ५० प्रतिशत छुट प्रदान गरिनेछ। जिपिए १.६० देखि २.४० सम्म ल्याउने विद्यार्थीहरूलाई मासिक शुल्कमा २५ प्रतिशत छुटको व्यवस्था गरिएको विद्यालयले जनाएको छ।
गुणस्तरीय शिक्षा, प्राविधिक दक्षता र व्यवहारिक ज्ञानलाई जोड दिँदै आएको विद्यालयले अध्ययनका लागि आवश्यक सम्पूर्ण पूर्वाधार तयार पारिएको प्रधानाध्यापक दाहालले बताए। इच्छुक विद्यार्थी तथा अभिभावकलाई तोकिएको समयभित्र विद्यालयमा सम्पर्क गर्न आग्रह गरिएको छ।
