चितवनका रोहित हेटौँडामा गाँजासहित पक्राउ

हेटौँडा, मकवानपुरको हेटौँडा उपमहानगरपालिका–१५ रातोमाटे चेकपोस्टमा प्रहरीले ७ किलो ४५० ग्राम गाँजासहित चितवन राप्ती नगरपालिका–१२ तिरुवा बस्ने २७ वर्षीय रोहित चेपाङलाई पक्राउ गरेको छ।

प्रहरी चौकी रातोमाटेबाट खटिएको टोलीले मिति २०८२ साउन २८ गते दिउँसो २स्५० बजे नियमित चेकजाँच गर्ने क्रममा नारायणगढबाट वीरगन्जतर्फ जाँदै गरेको ना ७ ख ६९१ नम्बरको यात्रुबाहक बस रोकेर तलासी लिएको थियो।

बसमा सवार चेपाङलाई शंका लागी खानतलासी गर्दा उनको झोलाभित्र लुकाइ छिपाइ ल्याइएको गाँजा फेला परेको प्रहरीले जनाएको छ। बरामद गरिएको लागूऔषधसहित चेपाङलाई नियन्त्रणमा लिएर मकवानपुर जिल्ला अदालतबाट म्याद अनुमती प्राप्त गरी थप अनुसन्धान भइरहेको जिल्ला प्रहरी कार्यालय मकवानपुरले जानकारी दिएको छ।