हेटौँडा, नवसर्जक साहित्य चौतारी नेपाल केन्द्रीय समितिले आफ्नो ३७ औँ मासिक शृङ्खला तथा ‘किन पढ्ने? किन लेख्ने?’ विषयक अभिमुखीकरण कार्यक्रम सम्पन्न भएको छ । हरेक महिनाको चौथो शनिबार आयोजना हुने मासिक शृङ्खलाअन्तर्गत शनिबार सम्पन्न कार्यक्रम चौतारीकी केन्द्रीय महासचिव स्वस्तिका दाहालको सभाध्यक्षतामा भएको थियो ।
ADVERTISEMENT
देशभरका १० जना नवसर्जकले कविता, गजल र मुक्तक वाचन गरेका उक्त कार्यक्रममा परिकल्पनाकार गौतमले आगामी भदौ ६ गतेदेखि हरेक शुक्रबार र शनिबार ‘नियमित प्रशिक्षण’ सञ्चालन हुने जानकारी गराए । सल्लाहकार टीका आत्रेयले ‘किन पढ्ने? किन लेख्ने?’ विषयमा मन्तव्य राख्दै कविता वाचन गरे भने सल्लाहकार बर्तौलाले शुभकामना मन्तव्य व्यक्त गरे ।
कार्यक्रमका प्रमुख अतिथि प्रा. डा. लामिछानेले ‘किन पढ्ने? किन लेख्ने?’ भन्ने विषयमा विस्तृत चर्चा गर्दै साहित्य लेखन र अध्ययनले व्यक्तिगत तथा सामाजिक चेतना विकासमा पुर्याउने योगदानबारे प्रकाश पारे । कार्यक्रम केन्द्रीय सचिव रौनक शाहको सञ्चालन र उपमहासचिव रचना भण्डारीको स्वागत मन्तव्यका साथ सम्पन्न भएको थियो । कार्यक्रममा सातै प्रदेशका नवसर्जकहरूको प्रतिनिधिमूलक उपस्थिति रहेको आयोजकले जनाएको छ ।
ADVERTISEMENT
कार्यक्रममा अग्रज बालसाहित्यकार, लोकसाहित्यकार तथा समालोचक प्रा. डा. कपिलदेव लामिछाने प्रमुख अतिथि, चौतारीका परिकल्पनाकार तथा संरक्षक दीपक गौतम विशिष्ट अतिथि तथा सल्लाहकार डी.बी. बर्तौला, कोशी प्रदेश सल्लाहकार टीका आत्रेय र साहित्यकार देवराज तिवारी आतिथ्य रहेका थिए ।
