हेटौँडा, हेटौंडा क्याम्पसको सञ्चालक समिति अध्यक्षमा पुनः आनन्दराम पराजुली चयन भएका छन् । शनिबार भएको १७ औं क्याम्पस सभाले पराजुलीको अध्यक्षतामा १५ सदस्यीय सञ्चालक समिति चयन गरेको हो ।
ADVERTISEMENT
क्याम्पस सञ्चालक समितिको सदस्यमा बद्रीनाथ शर्मा, प्रदीप कोइराला, नमुना पाण्डे, मदनकुमार दाहाल, रमेश खतिवडा, गुञ्जबहादुर न्यौपाने, बालगोपाल कँडेल, विवेक राई, सीता बिष्ट, बासुदेव दंगाल, देवराज गौतम, शिवहरी दाहाल र श्रीराम खतिवडा चयन भएका छन् । यस्तै क्याम्पसको सल्लाहकारमा श्रीधर पोखरेल, सीताराम बर्तौला, पुरनबहादुर जोशी रहेका छन् । दोस्रो कार्यकालका लागि अध्यक्ष पदमा चयन भएका पराजुलीले सबैसँगको समन्वयमा हेटौंडा क्याम्पसलाई नमूनालायक बनाउने प्रतिबद्धता व्यक्त गरे ।
सभामा क्याम्पसबाट स्नातकको विभिन्न वर्षहरुमा विभिन्न संकायबाट उत्कृष्ट नतिजा ल्याएका विद्यार्थीहरु रवि पाठक, बालकुमारी घोरासाइनी, प्रबिना लामा, अशोक कुशवाह, मनिषा थापा, युवराज विक, राजिव फुयाँल र बिष्णुहरी मिश्रलाई पुरस्कृत गरिएको थियो ।
