हेटौँडा, हेटौंडा–१० स्थित ग्रिन्डलेज बचत तथा ऋण सहकारी संस्था लिमिटेडको अध्यक्षमा ऋषिकुमार ढकाल चयन भएका छन्। आज सम्पन्न सहकारीको १६औँ वार्षिक साधारणसभाबाट ढकालको नेतृत्वमा नयाँ सञ्चालक समिति गठन गरिएको हो ।
ADVERTISEMENT
समितिको उपाध्यक्षमा दुर्गादेवी दास, सचिवमा कृष्णहरी पौडेल तथा कोषाध्यक्षमा मनिषा घले गुरुङ चयन भएका छन्। यसैगरी सदस्यमा आत्माराम ढकाल, सुमित्रा हुमागाई, सुदेशकुमार श्रेष्ठ, सन्दिप कुमार सापकोटा र उषा ढुङ्गेल चयन भएका छन् । सहकारीको लेखा समिति संयोजकमा सागर सापकोटा तथा सदस्यमा नरेन्द्र अधिकारी र पार्वती आचार्य चयन गरिएको छ।
गत भदौ १७ गते सहकारी नियमन प्राधिकरणले जारी गरेको ८ बुँदे निर्देशनअनुसार साधारणसभा सदस्यमैत्री र सदस्य केन्द्रित ढंगले आयोजना गरिएको सहकारीका अध्यक्ष महेन्द्र इटेनीले बताए। साधारणसभा संस्थाका शेयर सदस्यहरूको मात्र उपस्थितिमा सम्पन्न भएको उनले जानकारी दिए । सभामा असल बचतकर्ता, असल ऋणी र एसईईमा उत्कृष्ट अंक हासिल गर्ने शेयर सदस्य महानुभावहरुका छात्र/छात्रालाई पुरस्कार तथा सम्मान गरिएको थियो ।
