हेटौँडा, हेटौँडा–७ स्थित तासिर इङ्लिस सेकेन्डरी विद्यालयका संस्थापक राजन थापाका पिता स्वर्गीय रणबहादुर थापाको वार्षिक पुण्यतिथिको अवसरमा आयोजित सातौँ रणबहादुर थापा स्मृति अन्तरविद्यालय हाजिरीजवाफ प्रतियोगिताको उपाधि ब्रह्मदिक एकेडेमीले जितेको छ ।
ADVERTISEMENT
हेटौँडा उपमहानगरपालिकाभित्रका १७ वटा विद्यालयको सहभागिता रहेको प्रतियोगितामा तुल्सी मेहर मेमोरियल माध्यमिक विद्यालय दोस्रो र जीएस निकेतन विद्यालय तेस्रो भएको छ । प्रतियोगितामा प्रथम, दोस्रो र तेस्रो हुने विद्यालयलाई क्रमशः नगद २० हजार १५५, १५ हजार १५५ र १० हजार १५५ रुपैयाँसहित मेडल, ट्रफी र प्रमाणपत्र प्रदान गरिएको थियो । हेटौँडा–७ का वडाध्यक्ष दामोदर गौतमको प्रमुख अतिथिमा पुरस्कार वितरण गरिएको थियो । छैटौँ संस्करणको प्रतियोगितामा पनि ब्रह्मदिक एकेडेमी प्रथम र तुल्सी मेहर मेमोरियल माध्यमिक विद्यालय दोस्रो भएको थियो ।
कार्यक्रममा विद्यालयका संस्थापक राजन थापा, उनकी आमा निरकुमारी थापा, प्रधानाध्यापक विनोद थपलिया, प्याव्सन मकवानपुरका वरिष्ठ उपाध्यक्ष राजकुमार नहर्की, प्याव्सन नगर अध्यक्ष रामकुमार श्रेष्ठलगायतको आतिथ्य रहेको थियो । हेटौँडा–७ का पूर्व वडाध्यक्षसमेत रहेका विद्यालयका संस्थापक राजन थापाले आफ्नो बाबुको स्मृतिमा प्रत्येक वर्ष निरन्तर रूपमा प्रतियोगिता आयोजना गर्दै आइरहेका छन् ।
