लायन्स क्लव थाहामा निरज र लियाे क्लवमा स्मिता चयन

हेटौंडा, लायन्स क्लव अफ थाहा पिसकाे अध्यक्षमा निरज रायमाझी चयन भएका छन् ।

ADVERTISEMENT

आज भएको १० औ वार्षिक साधारणसभाबाट रायमाझीकाे अध्यक्षतामा नयाँ कार्यसमिति निर्माण भएको हाे ।

लियो क्लव अफ पिस थाहाको १० औं वार्षिक साधारणसभाबाट अध्यक्षमा स्मिता विष्ट चयन भएका छन् । आइतबार पालुङमा सम्पन्न साधारणसभाबाट लायन्स क्लवको प्रथम उपाध्यक्षमा दिपेन्द्र कुमार थिङ र दृतीय उपाध्यक्षमा दिपक कार्की निर्विरोध निर्वाचित भएका हुन्।

अध्यक्ष रायमाझीले सचिवमा नविना विष्ट र कोषाध्यक्षमा अनन्त ढकाललाई मनोनीत गरेका छन् । यसैगरी लियो क्लवतर्फ प्रथम उपाध्यक्षमा विराज थापा र दृतीय उपाध्यक्षमा ओमस प्रधान निर्विरोध निर्वाचित भएका छन्। अध्यक्ष विष्टले सचिवमा मनिका खत्री र कोषाध्यक्षमा मञ्जरी अधिकारीलाई मनोनीत गरेका छन् ।

दुवै क्लवको साधारणसभाको अध्यक्षता  वर्ष २०२५/०२६ का अध्यक्ष अनित विष्टको सभाध्यक्षता र संस्थापक अध्यक्ष सुरेन्द्रमान प्रधानको प्रमुख आतिथ्यतामा भएको हो ।