हेटौंडा, हेटौंडा-४ मा रहेकाे जनसेवक कर्मचारी उपभोक्ता सहकारी संस्था लिमिटेडको अध्यक्षमा दिर्घ नारायण भट्टराई चयन हुनुभएको छ । अाज भएको सहकारीको १८औँ साधारण सभा तथा अधिवेशनबाट भट्टराईकाे अध्यक्षतामा नयाँ कार्यसमिति सर्वसम्मत रूपमा चयन भएको छ।
ADVERTISEMENT
समितिको उपाध्यक्षमा जयराम धिताल, सचिवमा मैयादेवी लामा र कोषाध्यक्षमा हरि खड्का चयन हुनुभएको छ। यसैगरी, सञ्चालक समितिको सदस्यहरुमा कृतिका आचार्य, ध्रुव प्रसाद लामिछाने, दीपा बुढाथोकी, मनोज सुवेदी र विनोद चौलागाईं रहेका छन् ।
अधिवेशनले संजय कुमार न्यौपानेको संयोजकत्वमा ३ सदस्यीय लेखा सुपरिवेक्षण समिति समेत सर्वसम्मत चयन गरेको छ । जसको सदस्यहरुमा अमर लामा र सृजना रिमाल रहेकी छन् ।
जिल्ला समन्वय समिति मकवानपुरका प्रमुख ललित घलानको प्रमुख आतिथ्यतामा सम्पन्न अधिवेशनले आगामी चार वर्षे कार्यकालका लागि नौ सदस्यीय कार्यसमिति चयन गरेको हो।
सभामा संस्थाका अध्यक्ष बसन्त राज गौतमले आर्थिक वर्ष २०८२/०८३ को प्रगति प्रतिवेदन प्रस्तुत गर्नु भएको थियाे ।
