हेटौंडा/हेटौंडा उपमहानगरपालिकाको ३ नम्बर वडालाई बालमैत्री वडा घोषणा गरिने भएको छ । ३ नम्बर वडा कार्यालयको आयोजनामा बालमैत्री स्थानीय शासन कार्यान्वयनका लागि अवलम्वन तथा घोषणा सम्बन्धी वडास्तरीय अभिमुखीकरण कार्यक्रम भएको छ ।
२०८० असोज मसान्तभित्र यस वडालाई बालमैत्री घोषणा गर्न सर्वपक्षीय प्रतिबद्धता आएको छ । कार्यक्रममा हेटौंडा उपमहानगरपालिकाको महिला तथा वालवालिका विकास महाशाखा प्रमुख विष्णुकुमारी लामिछाने, वडा अध्यक्ष ढलकबहादुर थापा, प्रशिक्षक विष्णुप्रसाद चौवे, वडा सदस्य एवम् सम्पर्क व्यक्ति सविना विडारी, वडा सचिव महेन्द्र चापागाईंलगायतले मन्तव्य व्यक्त गरेका थिए ।
कार्यक्रममा राजनीतिक दल, स्वास्थ्य संस्था प्रमुख, विद्यालयका प्रधानाध्यापक, विद्यालय व्यवस्थापन समितिका अध्यक्ष, महिला स्वास्थ्य स्वयम्सेविका, बाल क्लवका पदाधिकारी, टोल विकास संस्थाका पदाधिकारीहरुको उपस्थिति रहेको थियो । उनीहरुले प्रतिबद्धता पत्रमा हस्ताक्षर समेत गरेका थिए ।
