पालुङ जेसीजको अध्यक्षमा ३ को उम्मेदवारी

हेटौंडा,मकवानपुरको थाहा नगरपालिकामा रहेको पालुङ जेसीजको बर्ष सन् २०२३ का लागि नेतृत्व गर्न अध्यक्ष पदमा तीनजनाले उम्मेदवारी दिएका छन् ।

अध्यक्ष पदमा वर्तमान कानूनी सल्लाहकार संगम कार्की, महासचिव निरज रायमाझी र कोषाध्यक्ष विक्रम गोपालीले उम्मेदवारी दर्ता गराएको निर्वाचन आयुक्त नवराज लामाले जानकारी दिए । यस्तै दुइ कार्यकारिणी उपाध्यक्ष पदका लागि माधव कार्की, मानसिं दोङ, अञ्जय प्रधान र दीपा बल गरी ४ जनाको उम्मेदवारी परेको छ ।

४ उपाध्यक्ष पदका लागि नारायण तामाङ, अजय कार्की, प्रकाशबहादुर चन्द, अजित कार्की र मनिष अधिकारीको उम्मेदवारी परेको छ । पालुङ जेसीजको यही पौष १ गते थाहा नगरको शंकर होटलमा साधारण सभा हुने बर्ष सन् २०२२ का अध्यक्ष जयराम खत्रीले जानकारी दिए ।

सत्मार्ग अनलाइन२०७९ मंसिर २९, बिहीबार ०१:५३

Less than a minute