हेटौंडा/राहदानी विभागले राहदानी वितरण कार्य तत्कालका लागि स्थगित गरेको जनाएको छ। विभागले मंगलबार एक सुचना जारी गर्दै सिस्टममा समस्या आइ राहदानी छपाई तथा वितरण कार्य अवरुद्ध हुन गएको विभागले जनाएको छ।
ADVERTISEMENT
विभागले मंगलबार सूचना प्रकाशित गरी ‘सो समस्या समाधानका लागि निरन्तर कार्य गरिरहेको र सिस्टम पूर्ण रूपमा सुचारु हुन केही समय लाग्ने भएकाले राहदानीका लागि आवेदन दिएका आवेदकहरूले आफ्नो मोबाइलमा एसएमएसरम्यासेज आएपछि मात्र विभागमा आउन’ अनुरोध गरेको छ।
साथै, नियमित रूपमा राहदानी आवेदनका लागि एपोइन्टमेन्ट डेट बुक गरेका सेवाग्राहीहरू बुक गरेको मिति र समयमा बायोमेट्रिकको लागि विभागमा उपस्थित भइदिन पनि विभागले सूचित गरेको छ।
त्यस्तै जिल्ला प्रशासन कार्यालय मकवानपुरले पनि विभागको अनलाईन सर्भरमा समस्या आएकोले अर्को सुचना जारी नभएसम्मका लागि राहदानी सम्बन्धी सम्पूर्ण सेवा स्थगित गरिएको सुचना जारी गरेको छ ।
