भोलिबाट थाहानगरमा थाहा गोल्डकप फुटबल प्रतियोगिता

हेटौंडा/उत्तरी मकवानपुरमा भोलि मङ्गलबारबाट चौथो संस्करणको थाहा गोल्डकप फुटबल प्रतियोगिता हुँदैछ । प्रतियोगितामा १८ वटा टिमले सहभागीता जनाएका छन् ।

ADVERTISEMENT

थाहा आन्दोलनका प्रणेता रुपचन्द्र विष्टको जन्मोत्सवको अवसर पारेर हरेक वर्ष पुस २६ गते प्रतियोगिता आयोजना हुँदै आइरहेको छ । थाहा गोल्डकप फुटबल प्रतियोगिता थाहा नगरपालिकाको खेल मैदान इन्द्रायणी चौरमा सञ्चालन हुनेछ ।

प्रतियोगितामा विजेताले नगद २ लाख र उपविजेता टिमले नगद १ लाख रुपैयाँ सहित शिल्ड, मेडल र प्रमाणपत्र प्राप्त गर्ने छन् । खेलको प्रत्येक म्याचमा म्यान अफ दि म्याच घोषणा तथा विधागत उत्कृष्ट खेलाडीहरुलाई नगद तथा प्रमाणपत्र प्रदान गरिने आयोजकले जनाएको छ ।