सुजन ढकाल
हेटौंँडा, हेटौंडा स्कूल अफ म्यानेजमेन्ट एण्ड सोसियल साईन्सेसलाई विश्व विद्यालय अनुदान आयोगले सञ्चालन गरेको गुणस्तर सुनिश्चितता तथा प्रत्यायन (क्यूएए) प्रदान गर्न उपयुक्त छ कि छैन भनेर मूल्याङ्कन टोली हेटौंडा आएको छ । सरकारले गुणस्तर सुनिश्चितता तथा प्रत्यायन प्रणाली (क्युएए) प्रमाणपत्र पाएका कलेजलाई अन्तरराष्ट्रिय रुपमा नै गुणस्तरको मान्यता दिने गरिन्छ ।
ADVERTISEMENT
आयोगका क्यूएए पूर्व समकक्षि परिक्षण टोलीमा प्रोफेशसर डाक्टर प्रेमराज पन्तको मुख्य संयोजक तथा ‘युजिसी’ प्रतिनिधि ममता प्रजापतिको टोली हेटौंडा आएका हुन् । विश्व विद्यालय अनुदान आयोगले हेटौंडा स्कूल अफ म्यानेजमेन्ट एण्ड सोसियल साईन्सेस क्याम्पसलाई क्युएए प्रदान गर्नको लागि अध्ययन, मूल्याड्ढन र स्वअवलोकन गर्दै आइरहेको छ ।
क्युएए प्राप्त गर्नको लागि आयोगले केहि निश्चित नियमहरु बनाएको छ । जसमध्ये नीति, नियम, पाठ्यक्रम सम्बन्धी पक्ष, पढाई, सिकाइ र मूल्याड्ढन प्रणाली अनुसन्धान परामर्श, भौतिक पूर्वाधार, सिकाईका स्रोत र सूचना प्रणाली जस्ता आधारहरु रहेका छन् । हेटौंडा स्कूल अफ म्यानेजमेन्ट क्याम्पसमा सोमबार भएको छलफल कार्यक्रममा क्याम्पसका योजना तथा विकास विभागका निर्देशक दीपेश जोशीले विद्यालयको गुणस्तर वृद्धिका लागि गरेको कार्यको बारेमा जानकारी दिएका थिए ।
क्याम्पस व्यवस्थापन समितिका अध्यक्ष देवप्रसाद श्रेष्ठको अध्यक्षतामा भएको कार्यक्रममा क्याम्पस व्यवस्थापन समितिका सदस्य तथा शिक्षाविद्व चोलेन्द्रकुमार पण्डित, शिक्षक/कर्मचारी, विभागिय प्रमुख व्यक्तिहरुबीच छलफल भएको थियो ।
