हेटौंडा, नवोदय शिशु सदन अङ्ग्रेजी माध्यमिक विद्यालयमा मङ्गलबार ‘म्याथ क्याम्पफायर’ कार्यक्रम आयोजना भएको छ । नवोदय म्याथ क्लवको आयोजनामा पाचौँ संस्करणको म्याथ क्याम्प फायर कार्यक्रम भएको हो ।
ADVERTISEMENT
नवोदय म्याथ क्लवको अध्यक्ष विमर्श श्रेष्ठको अध्यक्षतामा भएको कार्यक्रममा क्रिकेट स्टेडियमलाई गणित विषयसँग तुलना गरी विद्यार्थीहरुले प्रस्तुती दिएका थिए । विद्यार्थी रोनश उप्रेती, दीपर्जन खड्का, अधिस लम्साल, निर्भज्ञ ज्ञवाली, आरुष चौलागाई र स्मिथ पौडेलको समूहले उक्त प्रस्तुती दिएका थिए । म्याथ क्याम्प फायरमा गणित विषयसँग सम्बन्धित विभिन्न १८ वटा स्टल राखी विद्यायको प्राङ्गणमा विद्यार्थीहरुले प्रस्तुती दिएका थिए । प्रस्तुतीको आधारमा इशाङगो बोन, तारापुञ्ज र क्रिकेट रंगशालाको समूह उत्कृष्ट घोषित भए।
नवोदय विद्यालयका गणित विषयका शिक्षक निर्माण गजुरेल, आजिवन राई र अनु श्रेष्ठले निर्णायकको भूमिका निर्वाह गरेका थिए। प्रस्तुती दिएका विद्यार्थीहरुलाई विद्यालयले प्रमाणपत्र प्रदान गरेको थियो । म्याथ क्याम्फायर कार्यक्रमबाट पढाइमा सहयोग मिल्नुको साथै अनुसन्धान गरी वस्तुको अवस्थाको बारेमा जानकारी प्राप्त हुने भएकाले यो कार्यक्रम बढी प्रभावकारी हुने विद्यालयका गणित शिक्षक गोपाल घिमिरेले जानकारी दिए ।
ADVERTISEMENT
