हेटौंडा, हेटौंडा उपमहानगरपालिका क्षेत्रमा हिजोआज बिजुली कटौती हुने समस्याले सर्वसाधारण हैरान भएका छन् ।
नेपाल विद्युत प्राधिकरण हेटौंडा वितरण केन्द्रले लोडसेडिङ गरेको भने होइन । तर पनि हिजोआज विद्युत गइरहने समस्या भइरहेको सर्वसाधारणको गुनासो छ ।
ADVERTISEMENT
बिजुली जाने समस्या बिशेषगरी बिहान र बेलुकाको समय हो । हेटौंडाको चौकिटोल क्षेत्र, बजार क्षेत्र, नगरपालिका रोड लगायतका क्षेत्रमा बिहान बेलुका झ्याप्प–झ्याप्प बिजुली जाने समस्या भइरहेको छ । मकवानपुरका अरु नौवटा स्थानीय तहमा पनि उत्तिकै समस्या छ । बिजुली गइरहने समस्या पछिल्ला दिनहरुमा बढेको सर्वसाधारणको गुनासो छ ।
नेपाल विद्युत प्राधिकरण हेटौंडा वितरण केन्द्रका प्रमुख नरेन्द्रवीर श्रेष्ठले हिजोआज गर्मीयाम सुरु भएसँगै विद्युतको खपत पनि बढेकाले लोड लिन नसकेर लाइन गएको प्रतिक्रिया दिए । अघोषित रुपमा लोडसेडिङ नगरिएको र लोड लिन नसकेर Çयुज जाने समस्या रहेको उनले जानकारी दिए ।
