हेटौंडा, मकवानपुर जिल्लाको यामाहा मोटरसाइकल तथा स्कुटरका लागि आधिकारिक बिक्रेता राज मोटर्सले रे–जेड आर–१२५ एफ.आई स्कुटरको माइलेन्ज च्यालेन्ज तथा राइड आउट प्रोग्राम सम्पन्न गरेको छ ।
ADVERTISEMENT
कार्यक्रममा ३५ जनाले सहभागीता जनाएको माइलेन्ज च्यालेन्ज कार्यक्रममा यामाहा शोरुमबाट सुरू भई हटिया हुदैं पिपलेमा पुगी समापन भएको थियो । कम्पनीले रे–जेड आर–१२५ एफ. आई स्कुटरको माइलेन्ज ५८ किलोमिटर प्रतिलिटर दाबी गरेकोमा ग्राहकले चलाएरै प्रमाणित गरेका छन् । प्रतियोगितामा अधिकतम माइलेज ७९.३४ किलोमिटर प्रतिलिटर आएको एम. ए. डब्लुका रिजनल सेल्स म्यानेजर राम बोगटीले बताए ।
प्रतियोगितामा कबित आचार्य (७९.३४) प्रथम, सृजना घिमिरे (७९.०३) द्वितीय, दुर्गा प्रसाद लामिछाने(७८.७०) तृतीय भएका थिए । उनीहरुलाई ट्रफीसहित प्रमाणपत्र प्रदान गरी सम्मन गरिएको राज मोटर्सका प्रबन्ध निर्देशक राजन श्रेष्ठले जानकारी दिए ।
