मकवानपुरका राइ बक्सिङप्रारम्भ छनौटको फाइनलमा

हेटौंडा, १९ औँ एशियाली खेलकुद (एशियाड)का लागि बक्सिङ खेलको प्रारम्भिक छनौटको फाइलनमा मकवानपुरका सोहन राई प्रवेश गरेका छन् ।

मंगलबार भएको सेमिफाइनल खेलमा नेपाल आर्मीका लालु आले मगरलाई पराजित गर्दै राई फाइलनमा प्रवेश गरेका हुन् । मकवानपुरका राइले ६३ दशमलव ५ केजी तौल समूहमा प्रतिस्पर्धा गरिरहेका छन् । बुधबार हुने फाइनल खेलमा राईले जेनेक्स बक्सिड्ढ क्लबका मौसम राना मगरसंग प्रतिस्पर्धा गर्दै छन् ।

चीनको हाङझावमा हुने १९औँ एसियाली खेलकुदका लागि बक्सिङको प्रारम्भिक छनोट प्रतियोगिता सोमबारदेखि सातदोबाटो स्थित अन्तर्राष्ट्रिय खेलकुद परिसरमा सुरु भएको थियो । प्रारम्भिक छनौट अन्तर्गत विभिन्न तौल समूहमा प्रतिस्पर्धा भइरहेको छ। हेटौंडामा भएको अल नेपाल नोभिस बक्सिङ प्रतियोगितामा ६३ दशमलव ५ केजी तौल समूहमा राइले स्वर्ण जितेका थिए ।