आकर्षण ब्यूटीपार्लरको १८ औँ वार्षिकोत्सव सम्पन्न

हेटौंडा, २१ साउन/सौन्दर्य क्षेत्रमा काम गरिरहेको आकर्षण ब्यूटीपार्लरको १८ औँ वार्षिकोत्सव कार्यक्रम सम्पन्न भएको छ । ब्यूटीपार्लरका सञ्चालक गमला राजमण्डारी (अस्मिता)को अध्यक्षतामा भएको कार्यक्रममा सिटिभिटी बागमती प्रदेशका प्रमुख टोलेन्द्र आचार्यको प्रमुख आतिथ्यता रहेको थियो ।

कार्यक्रममा प्रमुख अतिथि रहेका आचार्यले स्वास्थ्यसँग सुन्दरता जोडिएकोले गर्दा ब्यूटीपार्लरको आवश्यकता बढ्दै गएकोमा जोड दिएका थिए । कार्यक्रममा वरिष्ठ सौन्दर्यकर्मीहरु रमा श्रेष्ठ, अनुपा घिमिरे र रीन्जु गौतमलाई सम्मान गरेको थियो । कार्यक्रममा ३० जना विद्यार्थीलाई प्रमाणपत्र प्रदान गर्नुका साथै पूर्व कर्मचारीहरुलाई प्रशंसा पत्र प्रदान गरिएको थियो । वार्षिकोत्सवको अवसरमा मानवसेवा आश्रमलाई भोजन सेवाको लागि १५ हजार नगद सहयोग तथा मेहेन्दी कार्यक्रम र १६ गते मेहेन्दी क्याम्प कार्यक्रम आयोजना गरिएको थियो ।

कार्यक्रममा मकवानपुर महिला उद्यमी व्यवसायी संघ अध्यक्ष सुशिला पाण्डे, डिष्ट्रिक चिफ अंकिता सुमार्गी, नेपाल जेसिज पूर्व कार्यकारी उपाध्यक्ष शोभा खरेल भट्टराई, वरिष्ठ सौन्दर्य कर्मी रमा श्रेष्ठ, व्यवसायिक तथा सीप विकास तालिम केन्द्र प्रशिक्षकद्वय अनुपा घिमिरे, निर्मला गुरागाई, सोन्दर्यकर्मी संगठन नेपाल केन्द्रिय सदस्य रीन्जु गौतम, नेपाल ब्यूटीसियन संघ बागमती प्रदेश संयोजक तारा कार्की लगायतको आतिथ्यता रहेको थियो ।