हेटौंडा, स्थानीय स्तरमा उत्पादित तरकारीलाई व्यवस्थित बनाउन हेटौंडा १६ चिसापानीमा हाट बजार सञ्चालनमा आएको छ । हेटौंडा १६ नम्बर वडा कार्यालयको सहजीकरणमा हटिया हाटबजार सञ्चालनमा आएको हो । व्यवस्थित रुपमा हाटबजार सञ्चालनमा आउँदा स्थानीय खुशी भएका छन् ।
ADVERTISEMENT
हाट बजारको उद्घाटन हेटौंडा उपमहानगरपालिका उपप्रमुख राजेश बानियाँले गरेका हुन् । ‘हेटौडा उपमहानगरको १६ नम्बर वडा इतिहास बोकेको स्थान हो ।’ हेटौंडा उपमहानगरपालिका उपप्रमुख राजेश बानियाँले भने –‘उपमहानगरले यस तरकारी बजारलाई नमुना तरकारी बजारको रुपमा लिएको छ । ’
बाहिरबाट आउने विषादीयुक्त तरकारी भन्दा स्थानीय स्तरमै उत्पालन भएका तरकारीलाई बेच्ने व्यवस्था मिलाइएको छ । किसानले उत्पादन गरेका तरकारीको बजारीकरणमा हाट बजारले सहयोग पुग्ने छ । किसानले जति उत्पादन भएपनि आफैँले लगेर हाटमा बिक्री गर्न सक्ने भएकाले किसानलाई व्यवसायिक रुपमा जोड्न हाट बजारले मद्दत मिल्ने हेटौंडा १६ नम्वर वडा अध्यक्ष रामकृष्ण कोइरालाले बताए । स्थानीय कृषि उपज हाटबजारमै बिक्री हुने हुँदा किसानलाई आर्थिक रुपमा सबल हुन सहयोग पुग्ने देखिन्छ ।
