हेटौंडा, हेटौंडा ४ मा रहेको किताबघरले हेटौंडा उपमहानगरपालिकामा रहेका विभिन्न विद्यालयमा पुस्तक प्रदर्शनी यात्रा कार्यक्रम सञ्चालन गर्ने भएको छ ।
असोज महिनाभरि हेटौंडा उपमहानगरपालिकाको ७ वटा विद्यालयमा पुस्तक प्रदर्शनी यात्रा कार्यक्रम सञ्चालन गर्न लागेको किताब घरका सञ्चालक छवि अनित्यले जानकारी दिए ।
असोज ९ गते कमाने एकेडेमी, असोज १० गते माउन्ट एभरेष्ट इङ्लिस बोर्डिङ स्कूल, असोज १२ गते मकवानपुर बाल विद्या सदन, असोज १६ गते जनप्रिय मावि, असोज १९ गते रेड रोज इङ्लिस सेकेण्डरी स्कूल, असोज २६ गते बालजागृति इङ्लिस सेकेण्डरी स्कूल र असोज ३० गते जीएस निकेतन विद्यालयमा पुस्तक प्रदर्शनी यात्रा हुने उनले जानकारी दिए ।
‘आफ्ना बालबालिका अध्ययनरत विद्यालयसँग समन्वय गरेर वा किताबघरमार्फत अभिभावकज्यूहरूले यस कार्यक्रमका बारेमा थप जानकारी लिन सक्नुहुनेछ । बालबालिकाले रोजेका किताब बालबालिकाको हातमा सहजै उपलब्ध गराउने उद्देश्यले यो अभियान सञ्चालन गरेको हुँ ।’–उनले भने ।
