हेटौंडा/स्थानीय तह निर्वाचनमा उमेद्वार भएका मकवानपुर जिल्लाका १० स्थानीय तहका १ हजार ९ सय ३१ जना उम्मेद्वारले आफ्नो निर्वाचनको खर्च विवरण नबुझाएको सूचना सार्वजनिक भएको छ ।
ADVERTISEMENT
गत साउन ३१ गते निर्वाचन आयोगले स्थानीय तह निर्वाचनमा खर्च विवरण नबुझाउने उमेद्वारको नामावली वेभसाइटमा प्रकाशन गरेको थियो । प्रकाशित सूचना अनुसार मकवानपुरको थाहा नगरपालिकाका २ सय ४० उम्मेद्वारले निर्वाचन आयोगमा खर्च विवरण पेश नगरेको उल्लेख छ ।
त्यस्तै इन्द्रसरोवर गाउँपालिकाको ८९, कैलाशको १ सय ७३, बकैयाको २ सय ३४, बागमतीको १ सय ६७, भीमफेदीको १ सय ३५, मकवानपुरगढीको १ सय ३४, मनहरीको २ सय २१, राक्सिराङ गाउँपालिकाको १ सय ५१ र हेटौंडा उपमहानगरपालिकाको ३ सय ८७ उमेद्वारले निर्वाचन आयोगमा खर्च विवरण पेश नगरेको सूचनामा उल्लेख छ । कानुन अनुसार स्थानीय तह सदस्य निर्वाचनको अन्तिम मतपरिणाम सार्वजनिक भएको ३० दिन भित्र आयोगमा खर्च विवरण पेश गर्नुपर्ने भएपनि उमेद्वारहरुले पेश नगरेको निर्वाचन आयोगले जनाएको छ ।
ADVERTISEMENT
