मकवानपुरमा १०३ जनामा डेंगू संक्रमण पुष्टि

हेटौंडा, डेंगु संक्रमितको संख्या मकवानपुरमा १०३ जना पुगेको छ । जिल्लामा पछिल्लो २४ घण्टामा ४ जनामा संक्रमण पुष्टि भएसँगै संक्रमितको कूल संख्या १०३ पुगेको जिल्ला स्वास्थ्य कार्यालय मकवानपुरले जनाएको छ ।

ADVERTISEMENT

जिल्ला स्वास्थ्य कार्यालयका अनुसार, उक्त तथ्याङ्क साउन १ गतेदेखि आजसम्मको हो । जिल्लामा सबैभन्दा धेरै संक्रमित हेटौंडा उपमहानगरपालिमा रहेका छन् । त्यहाँ ५९ जनामा डेंगू संक्रमण पुष्टि भएको छ ।

यसैगरी, मकवानपुरगढी गाउँपालिकामा १ जना, मनहरी गाउँपालिकामा १ जना, बकैया गाउँपालिकामा १ जना, राक्सिराङ गाउँपालिकामा १ जनामा डेंगू संक्रमण पुष्टि भएको छ ।

यस्तै, सो अवधिमा हेटौंडामा अस्पतालमा ४० जनामा संक्रमण पुष्टि भएको स्वास्थ्य कार्यालय मकवानपुरले जनाएको छ ।